Вечеринка: Битрикс Танцова Лига - Отворени танцови работилници

Вечеринка: Битрикс Танцова Лига - Отворени танцови работилници

Здраво Фејсбук!

Како што најавивме, започнуваме и со проектите за оваа година, а кој ќе биде прв ако не нашиот најдобар, најголем и најуспешен проект - Битрикс Танцова Лига vol.2 ?

Накратко овој проект ви дава можност на сите Вас позитивни човечиња и љубители на танцот да дојдете во нашето студио на нашите семинари, каде Ве чека добра дружба, многу денсање и позитивна енергија. Значи да напоменеме, ДОБРЕДОЈДЕНИ СТЕ СИТЕ од сите танцови клубови, а секако и оние кои имаат желба да започнат сега со танцување и немаат никакво искуство!

Важно е да се напомене дека најдобрите добиваат вредни награди, меѓу кои најзначајни се:
1. Учество на Танц Фест 2016 (Најголемиот танцов фестивал на Балканот), и
2. Спонзорство за Urban Dance Camp 2016 (Најголемиот танцов камп во светот)

Еве и краток опис на програмата, правилата на игра и распоредот:

ПРАВИЛА:
- Работилниците се бесплатни и право на учество имаат сите без разлика на претходното искуство од областа на танцот
- Право на учество во работилниците ќе имаат сите оние кои навремено ќе се пријават на линкот кој ќе го поставиме
- Право на учество ќе имаат само оние кои со себе ќе носат опрема за вежбање и чисти патики
- Право на натпреварување и награда ќе имаат само оние учесници кои ќе бидат присутни на сите семинари без исклучок
- Право на учество на Танц Фест ќе имаат само оние 20 лица кои учествувале на сите семинари и освоиле најголем број на поени
- Право на главната награда ќе има само оној кој освоил најмногу поени на својот настап на Танц Фест
- Комисијата се состои од инструкторите на Битрикс, вклучувајќи ја и Рисима Рисимкин
- Часовите се во времетраење од 2,5-3 часа

ПРОГРАМА:
1 ФАЗА (Танцови работилници)
Започнувајќи од 06.02.2016, па се до 06.03.2016, инструкторите од Битрикс, како и нашите колеги од Македонија и Србија, ќе оддржуваат танцови работилници секој викенд во нашите простории. На работилниците ќе се изучуваат кореографии од разни подстилови на хип-хопот, а оваа година вметнавме и двајца специјални гости (New style - Никола Афри Планка од Србија и Contemporary - Адријана Данчевска од Македонија), како и два брејкденс семинари со Даворин Димовски и Борис Таскоски. Како дополнување на програмата, семинар ќе оддржи и минатогодишниот победник на лигата - Саве Исирова.
На крајот од секоја работилница, учесниците ќе треба да ја одиграат кореографијата пред комисијата, за што ќе добијат соодветен број на бодови.

2 ФАЗА (Подготовка за Танц Фест 2016)
Најдобрите 20 танчери, односно оние кои ќе освојат најголем број на бодови вкупно од сите работилници, ќе добијат право на учество на Танц Фест 2016. За подготовка на учесниците е предвиден периодот од 07.03.2016-31.03.2016 за кое време тие ќе работат во соодветни групи со инструкторите и ќе ги подготвуваат своите точки.

3 ФАЗА (Учество на Танц Фест 2016/ Избор на победникот)
20 најдобри, по подготовката со инструкторите ќе настапат на Танц Фест (датумот ќе биде објавен дополнително), каде повторно по пат на бодување ќе се одбере победникот кој ќе ја освои главната награда - спонзорство за Urban Dance Camp 2016 - Германија.

РАСПОРЕД:

05 Февруари
**** ОТВОРАЊЕ НА БИТРИКС ТАНЦОВА ЛИГА ****
ХИП ХОП ЗАБАВА ВО НАШЕТО СТУДИО И ЗАПОЗНАВАЊЕ СО ИНСТРУКТОРИТЕ

06 Февруари
*** СПЕЦИЈАЛЕН ГОСТИН ***
Никола Афри Планка (New Style)
- овој час не е дел од натпреварувањето

07 Февруари
Леонардо Хусеини (Lyrical/ Krump)

13 Февруари
*** СПЕЦИЈАЛЕН ГОСТИН ***
Адријана Данчевска (Contemporary Dance)
- овој час не е дел од натпреварувањето

14 Февруари
Мартин Иванов (Hip-Hop)

20 Февруари
*** БОНУС ЧАС ***
Даворин Димовски (Breakdance)
- овој час не е дел од натпреварувањето

21 Февруари
Дејан Битровски (Contemporary & Hip Hop)

27 Февруари
*** БОНУС ЧАС ***
Борис Тасковски (Breakdance)
- овој час не е дел од натпреварувањето

28 Февруари
Иван Ангелковски (Pop/MTV Dance)

05 Март
*** БОНУС ЧАС ***
Саве Исирова ( Hip-Hop)
- овој час не е дел од натпреварувањето

06 Март
Ивана Балабанова (lyrical)

И што да кажеме повеќе, освен дека Ви благодариме доколку успеавте да издржите и до крај да прочитате се!
Ве очекуваме во нашето студио!!!

Контакт:
Ивана Балабанова 075 269 605
Леонардо Хусеини 078 835 770

Website:
www.beatrix.mk

Youtube:
https://www.youtube.com/user/BeatrixCrew

Instagram:
https://www.instagram.com/beatrixcrew/

Twitter:
https://twitter.com/Beatrixcrew

Facebook:
https://www.facebook.com/B3x.crew/?fref=ts